Sunday, January 25, 2009

GULAB Rupea Utsov’ Sorombache Dis Meztamna….

GULAB Rupea Utsov’ Sorombache Dis Meztamna….


Kuveitt-antle Konknni mogi GULAB Vavrpi Somittiche sohokaran Kala Mogui-Kuwait (KMK) hanchea vangdda GULAB-cho Rupea Utsov Agostache 15ver, 2008 sorombunk ekan-ek toyearen asat. Bhouch vatt polloun aslolo tin bhaganim vattun ghatlolo prosong (event) 61ve Bharotachea Sovontrayechea disa savn 47vea Goyche sutkeche disa porian chalu urtolo. GULAB Vavrpi Somitichea fuddari ani Kala Mogui-Kuwait hanche odhex Xri Domingos Araujo hanchea hatantlean hea dobajechi ugtavnni zateli.

Agostache 15ver, 2008 justuch sanjechea 3.45 horar Mashra Al-Hawally Sobhaghorant Our Lady of Arabia Church-Ahmadi igorjiche padri vigar ani Konknni Lekok Fr. Teo Fernandes ezmanponn choloitele ani suvallo (celebration) jahir kortele. Uprant Bharotache Sovontrayecho Disachi ugddasik kariavoll, tache fattlean GULAB-ak patimbo dil’lea sortichem abertur (raffle draw) ani Mario Menezes-an boroun digdorxit kel’lo tiatr “GHORABEACHE VANTTE.”, suru zatlo sanjechea 4.15 vaztam. Mario Menezes boro borovpi ani digdorspi mhunn Konknni somazantlo vhodd ‘Gulab Puroskar 2006’ jikhun fuddle pillgek jivi urpa sarkeli sonskruttik kola dor ek machier haddlolo tiatr ‘super hit’ korun namnnea zoddpi digdorspi, purai aple kollakarank ghevn Kuveitt-an GULAB Rupea Utsovacho dhobajo rongit korunk ‘Bai Rioma’ bhurgem kollakar ‘Gulab Puroskar 2007’ jikpi, hichea sangata Rosy Alvares, Agnes, Comedian Joana, Lawry Travasso, Mario de Vasco, Edisson, ‘mimicry’ Raja ‘Sheikh Amir’ ani songitkar Augusto de Panchwadi ani James Kuveitt-che tiatr mogiank kormunnukeche havensoran vengonvche soglle toyaren Goyam sakun yetat. Tumchi boska sugur urunk hankam sompork khorat: Raja St0res (Kuwait City), Tel 2412970. M&M Confectionery (Salmiya) Tel. 5619946, (Abbasiya) Tel. 9106617, (Fahaheel) Tel. 9884681, (Khaitan) Tel 9391452, (Farwaniya Tel. 9540232


1983 vorsa savn Gõyant sakun Konknni bhaxen prokaxit zat’lo ‘GULAB’, fokot ekuch ghott unchle doxe velem mhoineallem. Konknniche ostad borovpeanche mona-posond lekh sumar 40 hozar vachpeachea ghorant ani offisanim Bharotan ani Pordesant mottea promonan ‘GULAB’ –a velean vistarni Goy, Mumbai, Mangalore, Gulf-ant, Canada, U.K., U.S.A. Australia adi zageancher pavtti zata. Somajik, sonskruttik, kola, ani kuttumbik vexei ghevn unchlea dorjeche borovpi hea GULAB masikak eka familiche masik mhunn dorjo dita. GULAB-acho Rupea Utsov-acho soromb Otumbrache 9ver 2008 (Brestar) sanjechea 6.15 horancher ‘Konkani Variety Show’ eka dipkavpache vorixtt sonskrutten ghunttla. Shobaghorant funkot proves (free entry) astolo. Ghorjechi mahiti mellunk sompork kor: 4726524 (vell: 6.15 - 8.15 pm) vo e-chitt pattoi: gulabq8@gmail.com ‘GULAB’ Rupea Utsavea ani Konknni Sahity Puroskar dhobajea nimitan ek ugdassachi nixanni koxi, Kala Mogui-Kuwait todde bhov Konknniche dhandge borovpeanche Konknni sahity mollar aplem yogdan dil’le vevarachi tust korun sotkar kortele.
Ani xevottacho GULAB Rupea Utsovacho Sorombacho bhag Dezembrache 19ver, 2008 sanjechea 4.15 vaztam ugddasik Goyche Suttke Disa onek toren ghunttleli khariavoll Konknni mogeank toyear kelea. Fuddli mahiti ani tumche free passes mellunk Kuveitt-chea disallear ani internetar jahir kortele. Tea mhonnosor voili khariavoll ghoddun haddpi tumcho sohokar ani tenko melltelo mhunn axa bhallgitat. GULAB masikacho vorgonnidar zaunk, jahariti ani her sabar vattanni ugtea monan tenko basaitelean Kuveitt GULAB masikache protonidhi Domigos Araujo-ak sompork korcho 9391452 vo e-mail gulabq8@gmail.com


- Forwarded by www.goa-world.com

No comments: